Portrait vun een Mitglied vun uns Theoterspelers

To uns 40. Opführung hört natürlich ok de Vörstellung vun een vun de Mitspelers. 

Düt Tour is Christian A. an de Reeg. 

Christian A. Seepolt is an 7.2.1971 in Harborg in „Maria Hilf“ geborn. He hett noch een grooden Broder Marko D. (1968), dat heit, Christian A. is de gröttere vun Beiden, man blots wat jünger. 

Opwussen is de Hauptmann, so kennt ehm jeedeen hier in`t Dörp, in Swiersdörp in Rüterweg. Natürlich, wie schull dat ok anners ween, müss he ok to School gahn. Af 1977 is Christian jeden morgen een Dörp wieder lopen. De Grundschool in Ilstörp weer de eerste Station in siene schulische Loopbahn. Dornah güng dat nah Vosshusen op de Orientierungsstufe wieder. Un wiel Christian jo een schlauen Jung weer (ik meen, dat is he noch ;-)) is he denn op dat Gymnasium in Vosshusen wieder trocken. Nahdem he sien Abitur in de Tasch harr, is Christian eerstmol to`n Bund gahn. Dor hett he dann ok sein Studium bi de „Helmut Schmidt Universität“ de Uni vun de Bundeswehr makt un mit Diplom för VWL afschlotten. 13 Johr weer de Hauptmann bi`n Bund un hett dor bannig veel belevt. Twee Mol müss he nah Bosnien, wat natürlich nich so schön weer, ober so is dat nu mol. He hett dor ok goode Kameraden un Frünnen funden. So hett denn allns sien Goodes hat. 

Nah sien Bundeswehrtied is de Hauptmann 2014 to Airbus nah Finkenwarder hin, dor is he bit hüüt. Christian is dor für den „Großraumtransport“ in Düütschland, Amerika un China tostännig. So is dat nich verwunnerlich, dat he veele Dienstreisen maken mut un jümmers wedder dörch de Gegend flüggt. 

Christian hett bit op, een kode Ünnerbreckung jümmers in den Rüterweg wohnt, mal baben mal wieder ünnen un nu hett he sik so in de Mitt vun de Straat inpendelt. Dor wohnt he mit sien Fro Alex un jümmern Söhn Bennet. 

Mit Alex is he al teihn Johr verheirad. Jümmer eerste Begegnung weer Faslam bi`t Eier braden bi Uwe Keller. Dor hett Alexandra al een Oog op ehm hat. Seh he doch so schmuck ut in sien Nonnenkostüm. Un denn hett dat op Alex bestimmt ok een groden Indruck makt, dat de hübsche Nonne (denn meisttieds in Zivil) mit den groden Dodge dörch de gegend brust is. Tja, so keem dat denn, dat de beiden an 8. Mai 2013 Hochtied fiert hebbt. 

Christian is een richtiget Dörpskind, he hett Football in Sportvereen TSV Ilstörp spelt un is in Schüttenvereen. Sogor bi de Führwehr is he ween, dat is för uns jetziget Stück natürlich enorm wichtig, so kann he uns denn ok de Grundkenntnisse vun dat Löschen bibringen. Siene grode Leidenschaft over is de HSV, dor geiht sein Hart op, wenn de spelt.

Bit he to dat Theoterspelen kommen is, hett dat een beden duert. Op jede Fier hebbt wie em besabbelt, bit he denn nich mehr „nee“ seggen kunn. Over letztendlich hebbt Birgit un Frank Peters dat mit Christian klor makt. Bi een Tass Kaffe un een Stück Torte in Melkhuus in Arsdörp kann man sowat jo goot bekakeln. Nu is he siet 2017 mit dorbi. Mit een lütte Rull un ganz ohne Text, de wi ehm extra in dat Stück schreven hebbt is he as Postbote anfungen. Christian hett sik von Opföhrung to Opföhrung steigert un ton Schluss harr siene Rull denn sogor een Text. Dat weer „Prost“. Man goot dat he dat Plattdütsche al vun sein Opa Emil Cohrs son beden liert hett. De Rull hett ehm so goot gefallen, dat he bi uns`n letzten Obend een Reed ton besten geven hett. Dormit weer he dann ofiziell bi de Theotertruppe mit bi un ok nich mehr weg to dinken. 

   2017 - Een, twee, dree … Oberkörper free!               2019 – Kaviar dröppt Currywust 

Wenn man Christian frogt, wat sien Lieblingsrull is, kummt dat wi ut de Pistol geschotten: „Der Postbote – keinen Text und einen Haufen Spaß!“ Frogt man over siene Fro dann seggt de: „Als Harry vun Holtstopp in dem Stück Kaviar dröppt Currywust war er toll!“ Jo dat stimmt, tosommen mit seine „Popp“ weer he een richtigen Gentleman un Wienkenner. Christian kann binah allens speeln und dat makt düchtig Spoß mit ehm. He hett jümmers goote Luun nun bringt ok jümmers wat mit. Mal wat ton Schnöckern, mal Dosenbeer, egal irgendwat givt dat jümmers. 

Christian is een Harmonieminsch. Striett un schlechte Luun find man bi ehm wohl weniger. So geiht ehm siene lütte Familie över allens, un wenn`t irgend geiht verbringt he siene Tied ok an leevsten mit de Beiden. 

Tja… wat givt dat noch över ehm to seggen? De lütte Bennet bringt dat op den Punkt: „Papa ist witzig, toll und freundlich auf ihn kann man sich verlassen.“ Un so is dat ok. Schön dat du bi uns büst. Mit di makt uns dat eenfach veel Spoß. 

                                             2022 - de lütte Bennet mit Papa op de Bühne