Portrait vun een Mitglied vun uns Theaterspeelers

Wer harr dat dacht. Nah binah dree Johr ohn Theater geiht dat wedder los. Dorto hürrt natürlich ok, dat ji een von uns Theöterspelers beter kennen liern dot.
Bi Sünnenschien sett ik mi op dat Rad un mak mi op`n Weg to Hernik Martens nah Ketzendörp. Dor wohnt he mit seine Franziska.

(Henrik Martens)

Henrik is de Tweetjüngste vun uns Theoters. He hett an 8. Juni 1996 in „Maria Hilf“ in Harborg dat Licht der Welt erblickt. De iersten fief Johr is he in Nee Wulmstörp opwussen. Siene Kindheit un Jugend hett he denn in Daerstörp beleevt. De lütte Henrik müss natürlich, so wi alle lütten Kinners, in de School gahn. So güng de „Ernst des Lebens“ ok för em 2002 los. Inschoolt würr Henrik in de Grundschool „An der Heide“ in Nee Wulmsdörp. 2006 güng de Lehrnrei denn an de Reolschool in Nee Wulmsdörp wieder. Wo he denn ok mit een gooden Schollafschluss in die Liehr entlaten worden is.

Henrik is een Jung, de weet wat he will. He is giern in seine Ümgegend ünnerwegs un dorüm würr dat ok nich verwunnerlich dat he seine Lehrsteed in Ilstörp bi dat Versicherungsbüro Stobbe + Wiegers funnen hett. Blots een Utbildung as Versicherungskoopmann würr nich noog für Henrik. Vun 2017 bit 2019 hett he sein Fachwirt för Versicherungen un Finanzen noch boben op sett un is bit hütte bi Stobbe un Wiegers in`t Büro anstellt. In de Twüschentied sogaar as Prokurist. Ok de Firmenwogens ward jümmers gröder. Dat mien leeve Henrik süht ganz nah een grode Tokunft ut.

Henrik kann man ober nich blots bi de Arbeit andrapen. Nee! Siene besünnere Leidenschaft sünd de Schüttenvereene. Anfungen hett dat mit den Schüttenvereen in Nee Wülmstörp, dor ist he binah ringebuurn. Mama Verena un Papa Dirk hebbt em im Öller vun 1,5 Johrn so to seggen in Schüttenvereen inschoolt. Dormit würr de lütte Henrik wohl dat jüngste Mitglied in de Vereensgeschichte.

Dat hett dat denn ok nich lang duert, un Henrik hett siene Leidenschop för die Musik entdeckt. De Trummel hett em dat andoon. Seine Leidenschop geiht sowiet, dat he in de Twüschtied ok de Lütten an de Trummel utbildn deiht. Nebenbi wiest he de 6 – 12-jährigen Kinner in de Scheetkunst in. Henrik bilt die Lütten an Luft- un Lichtpunktgewehr ut un is nevenbi ok noch stellvertretend as Jugendleitung ünnerwegens. Langewiel? Nee, dat kennt Henrik nich.

As Maximilan Meyer 2014 Jungschüttenkönig worrn is, hett de Jugend jümmers ordentlich fiert un sik giern bi Meyers in Carport droppen. Dor güng dann de Post af. Un Henrik jümmers mittenmang. He is eben keen Kind vun Traurigkeit. So hett dat ok nich veel Öberredungskünste bruckt und schwups würr he ok af 2014 in Ilstörper Schüttenvereen. De Nee Wülmstörper un de Ilstöper Gang würrn giern tosammen ünnerwegens.

Tja, wie schall dat denn ok anners ween, dor hett denn endlich siene Franzi erobert. Franziska Kanebly un Henrik hebbt sik al lange kennt. Franzi würr jo ok al as lütte Deern genau wi Henrik in Schüttenvereen in Nee Wülmstörp un ok in Speelmannzug in Ilstörp ünnerwegens. Ober wi heet dat so schön „Tausend mal berührt, tausendmal ist nichts passiert …“. Siet den 22. Oktober 2014 sünd de Beeden nu een Poor un so wi ik dat vun de Beeden mit kriegen do, ok sehr glücklich mitnannner. Ja, du hest in Franzi, wi du seggst, den wichtigsten Minschen in dien Leven funnen.

 (Klaut wi doch glieks de ganze Bank, 2016)

Henrik is, so seggt Franzi, is sehr ordnungsliebend. Ach, welche Fru wünscht sik dat nich? Een Mann de jümmers allens wegrümt … He kann nich lange still sitten oder nix doon, Henrik brukt jümmers wat üm de Hand. So führt he Montanbike und Inliner oder besöcht een Tanzkurs mit Franzi.

Corona hett jo mennigeen vun uns utbremst ober nich Henrik. He hett seine Leidenschop för Legotechnik entdeckt so bastelt he een Deel nah dat annere tosammen.

Henrik ist een apen un neeschieriger junger Mann un hett keen Bang op Lüüd to to gahn. Dat givt keene Party, wo he nich in korte Tied jemand Fremdes kennenliernt. Un wiel he so neeschierig is keem dat den ok mit de Theoterspeelerei. Bi Meyers an de Füertünn, hebt wie em dat ierstmol fragt, op he nich Lust harr, mol mit op de Bühne to stahn. Na un manchmol kummt dat denn doch schneller as man meent. So kunn Joanna Nodop nich de ganze Tied bi de Proven „Krüztfohrt in Schwienstall dorbi ween. Also hett se denn korter Hand Henrik fragt, ob he nich de Tied över ehre Rull lesen kann. Tja un wat schall ik seggen, un dor stühn uns lütte Henrik nu as Fro bi de Proven dat ierste Mal bi uns op de Bühne. Un weil em dat so veel Spoß makt hett, würr he denn ok bumms 2016 bi dat Stück „Klaut wi doch de ganze Bank“ richtig op de Bühne mit dorbi.

(Een, twee, dree ... Oberkörper free, 2017)

Ob miene Frag, wat dat Theoterspeeln för em so utmakt, seggt he: „Die plattdeutsche Sprache zu pflegen ist schon toll.“ Ober, so gesteiht he mit een Ogentwinkern, de Mettbrötchen un af un an een lütten Cognac sünd ok nich to verachten. Wat he seggen wull is , eegentlich gefallt Henrik dat „Gesamtpaket“ un den Spoß den wi dorbi hebbt, ok wenn dat meistieds doch ganz schön veel arbeit is.

 
(Allens op Krankenschien, 2018)              (Kaviar dröppt Currywurst, 2019)

Jo mien leeve Henrik, du büst op jeden Fall in de Johrn een wichtigen Deel vun uns Truppe worn un wi freit uns, dat Du as uns „jugendlichen Liebhaber“ jümmer to Steed büst.

Du kümmerst die ok giern üm Sacken. So hest du denn ok mal so eben eene Gummipuppe in Bockel an de Autobahn köfft. Würr de för dat Theoterstück dacht, oder harst du dor noch wat annert mit in`n Sinn ;-)

Op die is jümmers Verlass, wie mögt di giern, un hoffentlich blivst du noch lange bi uns Verrückten.

Ja mien leeve Henrik bi di löppt dat good. Un wi freit uns düchtig mit di un sünd al gespannt wat dor wohl as nächstes kummt …

(Heike Meyer)