Portrait vun een Speler vun uns Theotertruppe

Manoman! Dat Johr güng mol wedder veel to fix vörbi un nu stickt wi al wedder midden in de Proven to uns neiet Theoterstück.

Wi dat so bi uns „Brauch“ is, stellt wi hüüt een, oder beder seggt, eene vun de Mitspelers vör. Ok in düt Johr güng dat vör mi nah Schwiersdörp. Hier wahnt uns Kim, dat Küken in uns Truppe.

Kim Alina Wittkowsky is as tweete Dochter von Martina un Lasse Wittkowsky an 10.10.2002 in Buxtu to Welt kummen. Se is de Mittlere vun dree Deerns. Vörneweg kommt Janina (2000) und achteran de lütte Nina (2009).

Kim ehre Heimat is eegentlich Ilstörp. Dor is de Deern ok in Kinnergorn gahn. In den Tiger bi Fro Lüdi. Tja, un wi dat Leven so spelt, steiht Kim un Marianne nu tohoop op de Bühne.

Na den Kinnergorn güng dat wieder. Eerst mal op de Grundschool in Ilstörp. Praktischer Wies is de jo glieks gegenöber vun den Kinnergorn. Dor hett se denn ok Bekannschaft mit uns Technik-Rolf makt, de dor Husmeister is.

In de 4. Klass hett se Rolf denn ok ordenlich mit Wasserbomben beschmeten ;-) un ist denn wieder trocken an dat Gymnasium nah Vosshusen. Dor weer Kim denn twee Johr in de Bläserklass. Vun de sövente Klass an weer se op de Reolschool un hett dor ok ehren Afschluss makt.

2019 güng dat wieder mit de Lehr as Hölpskraft bi een Kinnertändoktor in Bookholt. Aver Kim wär nich Kim, wenn se dor al mit tofreden weer. Also güng dat 2022 wieder to de AOK Rheinland as Sachbearbeiterin in Dentalbereich. Over dat weer am Enn noch nich ganz dat Richtige un so is uns Kim siet düt Johr as „Querinstieger“ bi de Sporkass Harborg-Buxtu. Mol seihn wi dat bi ehr so wieder geiht …

Kim is so‘n lütten Dusendsasser. Siet se een lütte Deern is, is se in Schüttenvereen Neu Wulmstorf v. 1952 e.V. un is dor ok in Speelmannstog. Querflöte spelt se dor un intwischen givt se ok mit Ünnerricht.

Wi dat so in Vereensleven is, liernt man dor ok veele Minschen kennen … un Kim hett ehrn Ian Dombrowski dor funnen.

Klor makt hebbt de Beiden de Saak mit eene Ümarmung na een Öbungsabend, dor weern se 13 Johr olt. Dat is even Kim. Glieks allens regeln. Ian is Kim „Mann förs Leven“ so hebbt de Beiden sik 2022 in Dibbersen jümmer eerstes gemeinsamet Nest söcht. Dor sünd sie aver nich lang bleven un so güng dat 2023 trüch nah Schwiersdörp.

För Kim ist dat Wichtigste glücklich, ehrlich un loyal to ween. Giern verreist se an leevsten nah Dänemark oder mol een Reis mit een vun de groden Scheep. Een spontane Reis nah New York kann dorbi ok vörkommen.

Ehre beiden Haflinger-Peerd Salika un Stense kommt bi Kim natürlich ok nich to kott, Kim verbringt dor veele Stünnen un kann bi komplett entspannen.

Theoter speln wull se al jümmers giern. So hett Henrik Martens ok nich veel Överredungskünste brukt un Kimi 2019 mit to`n Theoter bröcht. Bi dat Stück „Kaviar dröppt Currywust“ stünn se dat eerste Mol, as Annabell Drög (de Fro vun‘n Bürgermeister), op de Bühn.

Kaviar dröpt Currywust, 2019                Een pikante Arfschop, 2022         De Grillvereen un ehr rodet Auto, 2023

Vun den Dag an, hätt Kim dat Theoterfever packt un se mit Freid un grodem Harten dorbi.

Dat is aver ok keen Wunner, denn ehr Ur-Opa Helmut Smurawski stünn al veele Johrn op de Ilstörper Bühne. Un wi heet dat so schön: „De Appel fallt nich wiet vun Stamm.“

Nu pliert he bestimmt vun „boven“ rünner un is mächtig stolt op siene lütte Deern.
Dat, leeve Kim, sünd wi ok, un wi hofft, dat Du noch veele Johr mit diene freche un opene Natur bi uns büst.